بلوچ اسٹوڈنٹس کونسل ( اسلام آباد) نا چارُمی سالی آ تعلیمی و علمی کانفرنس “بابا خیر بخش مری نا فکر و فلسفہ” نا سرحال ئٹ اڈ تننگا۔
حوال تا رد ئٹ بلوچ اسٹوڈنٹس کونسل ( اسلام آباد) 08 نومبر 2025 آ تینا چارُمی تعلیمی و علمی کانفرنس( بابا خیربخش مری نا فکر و فلسفہ” نا سرحال آ اڈ تِس، ہرانا مسخت بابا خیر بخش مری نا جہد، سیاسی شعور و روایتی سیاست نا مقابلہ ٹی تروکا پوسکن انگا سیاسی و علمی نظریہ ئے شنگ کننگ ءِ۔ دا کانفرنس نا ذریعت ئٹ اونا علم ئے پوسکن انگا جہت و تناظر تون پیش کننگا۔
اسہ دے ئنا دا کانفرنس ئٹی پینل ڈسکشن، بحث، پٹ و پول، ڈاکیومنٹری، ترانہ، پریزنٹیشنز، تھیٹر پرفارمنس، ریسرچ پیپرز، پروجیکٹ اسٹالز و کتاب آتون جتا جتا کاریم تے اڈ تننگا۔
تنظیم نا رد ئٹ چارُمی سالی آ کانفرنس ئٹی ورناک سخت اُستخواہی نشان تسُر و اودے سُہب مند کننگ ئٹی کڑدار ادا کریر۔
