بولان میڈیکل کالج نا خوانندہ آک کالج ئٹی بنیاتی آسراتی،امتحانی نظام و ہراسمنٹ نا برخلاف برانز نا پڑو کرینو۔
خوانندہ تا رد ئٹ کالج ئٹی وے آسراتی، غیر منصفانہ ویوا پیٹرن و استاد آتا تینا ذات ئنا مفاد آتیکن مروکا کاروائی تیان او چرجوئی ئٹ بھاز ذہنی اذیت ئٹی ءُ۔
خوانندہ تا رد ئٹ دا جیڑہ آک کیہی وخت آن اریر ولے انتظامیہ نا وے پامی و خود اعتمادی نا وے مننگ نا سوب آن گیشتر بے توار مسنو، ہندا سال پیتھالوجی ڈیپارٹمنٹ نا اسکینڈل خوانندہ تے ذہنی بیمار کرینے۔ دا اولی تدینی اف بلکن کالج ئٹی برجاء انگا دباؤ و نا انصافی تا لڑ ءِ۔
اوفتا پاننگ ءِ کہ غیر منصفانہ ویوا پیٹرن، سپلی نا جیڑہ آتیٹی تعصب و انٹرنلز ئٹی زیات نمبر تیان پد ہم استاد آتا نیمہ غان دباؤ و تڑی تننگ ہڑدے ئی او ہیت ئسے۔
اوفتا رد ئٹ کالج ئٹی پین فنکشن، گوازی یا ایلو سرگرمی تا اجازت وے مننگ نا سوب آن خوانندہ تا چاگڑدی و خوانندہی رُدوم زیمی مننگ ءِ۔
خوانندہ آک پڑو کرینو کہ دو شمبے نا دے کالج ئٹی اسہ پُر ایمن برانز ئس اڈ تننگ مرو ہراٹی او انتظامیہ نا مونا تینا خواست آتے تِخور۔
خوانندہ آک تینا خواست آتیٹ رکھوک تعلیمی و ہاسٹل ماحول، ویوا پیٹرن ئٹی اصلاح و غیر مناسب روشت تخوکا بندغ آتا احتساب تُد ءِ۔ اوفک پاریر کہ برانز پُر ایمن مرو اوفتا مسخت تینکن و بروکا خوانندہ تیکن بولان میڈیکل کالج ئے جوان، رکھکوک و مدت گار خوانندہی ادارہ جوڑ کننگ ءِ۔
