بلوچستان نا بھلا شار کوئٹہ آن پاکستانی لشکر پنجگور نا ہندی ورنا ئسے دزگیر کننگ آن گُڈ بیگواہ کرینے۔
بیگواہ کننگوک آ ورنا نا چائنداری فراز ولد حاجی فضل نا پن ئٹ مسنے۔
حوال تا رد ئٹ فراز ضلع پنجگور نا علاقہ پروم محمد بازار نا ہندی ئسے و داسا پنجگور تار آفس ئٹی تولوک اسک۔
اودے 05 نومبر نا سوب ئنا کوئٹہ نا علاقہ سیٹلائٹ ٹاؤن آن پاکستانی لشکر دزگیر کننگ آن گُڈ بیگواہ کرینے۔
خاہوت نا پاننگ ءِ کہ دزگیری آن پد اوفتے داسکان فراز نا بابت ئٹ ہچو حوال ئس تننگ متنے۔
