بی ایل ایف نا ترجمان میجر گہرام بلوچ میڈیا ٹی شنگ کروک بیان ئسیٹی پارے کہ ننا سرمچارک 04 نومبر سئے شمبے نا دے ئنا نیمروچ یک بجہ غا کچھی نا علاقہ کھٹن ئٹی پولیس تھانہ ئے گھیرہ کرسا ڈیوٹی آ ساڑی کارندہ تے دزگیر کریر و تھانہ نا سرکاری سلاہ و کاغذ تے ہرفسا تھانہ ئے ہُشار و کارندہ تے پدا یلہ کریر۔
ترجمان پارے کہ یک نومبر آ قلات ٹول پلازہ نا خُڑک مرجان ہوٹل آ اسہ بوزر لاری ئسے ٹِک کرسا سخت نسخان تننگا و لاری نا ڈرائیور آفتاب ولد نثار ہرا پنجاب نا ہندی ئسے دزگیر کریر ہرا داسکان تنظیم نا دزگیر ئٹی ءِ۔
میجر گہرام بلوچ ایسر ئٹ پارے کہ بی ایل ایف کچھی ٹی پولیس اسٹیشن آ کوزہ، سلاہ و کاغذ تے ہرفنگ و قلات ئٹی بوزر لاری ئسے نسخان تننگ و ڈرائیور ئے دزگیر کننگ نا ذمہ واری ئے ہرفک۔
