بلوچ یکجہتی کمیٹی میڈیا ٹی شنگ کروک تینا بیان ئٹ پارے کہ 31 سالی آ نجیب اللہ ولد لال بخش، ہراکہ کیچ ئنا علاقہ میری کلگ نا ہندی و اسہ سرکاری اسکول ئسیٹی نائب قاصد نا دروشم ئٹ کاریم کریکہ، بد قسمتی ئٹ 30 اکتوبر 2025 آ ریاستی مخ تفی ٹی کاریم کروک آ ملیشیا گروپ ہرافتے” ڈیتھ اسکواڈ ” پاننگک، نا دو ئٹ خلنگا۔
بیان ئٹ ودیک پاننگا کہ دا تدینی سوب ئنا 7:15 بجہ غا میری لنک روڈ ئنا خڑک، مہران شاپ ئنا خڑک آ مونا بس، ہراوخت کہ پیہُن رنگ ئنا ٹویوٹا کرولا ئسیٹی سوار انگا جلہو کروکاک نجیب آ سمکاری کریر۔
مُستی پارے کہ نجیب اللہ نا کوش بلوچستان ئٹی ریاستی ڈیتھ اسکواڈ آتا دو ئٹ برجاء غیر قانودی و وے عدالت کوش پیشہ وارانہ جلہو تا چرجوئی ئے پاش کیک۔ دھن انگا تدینیک علاقہ ٹی لس شاری تے خلیس نا گواچی کیرہ۔
پریس ریلیز ٹی پاننگا کہ بلوچستان ئٹی بندغی حق آتا خلاف ورزیک برجاء ءُ و زُوت دران ڈیھہی و راجی پِڑ آ پام تِننگ نا ضرورت ءِ۔
