خضدار وڈھ ئٹی تدوکا آ دے تیٹی بلوچ یکجہتی کمیٹی نا پِڑو آن مروکا ریلی ٹی اوار مروک آ تون اوار کوریج تِروک آ حوالکار آت برخلاف پاکستانی سرکار نا مدعی ئٹ ایف آئی آر کننگا ۔
بلوچستان نا برانز آتیٹی کیہی عیلاقہ تیٹی بھلو کچ ئسے ئٹ بلوچستان آن زوراکی ئٹ بیگواہی و بیدس عدالت آن خلنگ نا برخلاف آ بھلو کچ ئسے ئٹ برانز کننگا ۔
ہندُن اسلام آباد ئٹی نیشنل پریس کلب نا مونا بلوچ یکجہتی کمیٹی نا بھلُنی ٹی منظم آ برانز ئے 57 دےءِ انگہ برجاء ءِ ۔
یاتی مرے کہ تدوکا سال نومبر آ تُربَت ئٹی کاؤنٹر ٹیررزم ڈیپارٹمنٹ نا دُو آن دروغ ئنا مقابلہ ٹی بالاچ بلوچ نا خلنگ آن پد بلوچ یکجہتی کمیٹی نا نیمہ آن بِناء مروک آ ” بلوچ نسل کُشی “ نا برخلاف لانگ مارچ تُربَت آن اسلام آباد نا وخت آ بلوچستان نا ہر شہر ئٹی برانز کننگا و پاکستان نا ایلو صوبہ تیتون اوار ڈنّی ملک آتیٹی ہم برانز کننگا ۔
