ہندوستان اوغانستان نا بنجائی شار کابل ئٹ تینا سفارتخانہ ئے دوارہ ملا۔
دا گھام اوغان وزیرِ خارجہ امیر خان متقی نا دا زوت ئٹ مروک ہندوستان نا دورہ غان گڈ ہرفنگانے، ہراٹی دا ہیت آ امنائی کننگاسس کہ ہندوستان تینا تکنیکی مشن ئے سفارتخانہ نا تیبر ایتو۔
ہندوستان نا وزارتِ خارجہ نا رد ئٹ دا فیصلہ آن ہڑتوما ڈیہہ تا نیام ئٹ تعلقداری ٹی جوانی برو و اوغانستان ئٹ ہندوستان نا شونداری کاریم، بندغ آتیکن کمک و گُشاد سازی نا کوشست آک سوگو مرور۔
یات مرے کہ 2021 ئٹ طالبان نا حکومت نا بننگ آن گڈ ہندوستان کابل ئٹ تینا سفارتخانہ ئے بند کریسس، واہم 2022 ٹی اسہ چنکو تکنیکی مشن ئس دوارہ ملاسس ہرادے داسا دوارہ سفارتخانہ نا تیبر تننگانے۔
