بلوچستان نا علاقہ پنجگور و تربت ئٹی پاکستانی لشکر کیہی اُرا تیا چھاپہ خلکنے، ہندی آ بندغ آتیان سرسوج کرِسہ اُرا و گدان تے نسخان رسیفینے۔
ہندی حوال آتا رد ئٹ اِستو پنجگور وشبود ئٹی ایف سی کیہی اُرا تیا چھاپہ خلکنے۔ او پاریر کہ لشکر داسہ ہم علاقہ نا جتا جاگہ تا سڑک تیا چیکنگ و ناکہ بندی کننگ ءِ، دکان تا مون آ خلوکا شیڈز و گدان تے ہُشنگ ءِ۔
ایلو کنڈ آ تربت شار ئٹی گلشن آباد تعلیمی چوک آ ساڑی میجر استاد نور نا اُراغا ہم چھاپہ خلکُنے، اُرا تے نسخان رسینگانے و اونا ایڑ ئنا بارو ئٹ سوج کرینے، ولے او ساڑی متنے۔
دائسکان ہچ وڑ ئنا جانی نسخان و بیگواہی نا حوال رسینگتنے۔
