دے کہیلنگ بلوچستان : شستون ( سراوان ) نا مولانا ساداتی دِزّک آ جمعہ نماز آ تینا تقریر ئسیٹی پارے کہ پاکستان نا بمب جلہو آن شہید مروک آ بلوچ ءُ بے گناہ ءُ بندغ مسنو ۔
او پارے کہ ہرافتے پاکستانی لشکر میزائل جلہو تیٹ جلہو کرسا شہید کرے نن دا ناحق آ کوش آتے ترندی ئٹ شیف خلینہ ۔
مولانا ہیت کرسا پارے کہ سیم ئنا ہرتوما نیمہ آتا بلوچ آک خراب اِنگا حالیت آتے مون تننگءُ ۔ بندغ آتا مال و مڈیک پلنگ مریرہ و بلوچ آک بھاز جنجال آتا گواچیءُ ۔
سراوان ئٹی مروک آ میزائل جلہو اسہ بھلو ناحقی سے ہرادے ای اخس شیف خلیو کم ءِ ۔ میزائل جلہو آن شہید مروک آ چنکا چنا و زالبول آتا آک انت میار ئس کریر کہ اوفتے تغ ئٹی نشانہ کرسا خلنگ مریک ۔
مولانا ساداتی پارے کہ ہُرےءِ دے ٹکی بلوچستان نا بلوچ آک زوراکی و ناحقی نا گواچیءُ ۔ ہزار آتا کچ ئٹ بندغ آک زوراکی ئٹ بیگواہ کننگانو ہرافتا خاوت آک اینو اسکان تینا بندغ آتا آجوئی کن برانز کننگءُ ۔
او پارے کہ ہرتوما نیمہ آتا تولوک بلوچ آتا زندگی سیم اتون تفوک ءِ و سیم ئنا واپاری بند مننگ ءِ دا ہم بلوچ آتون زوراکی سے، داڑان کیہی بندغ آک جنجال آتا گواچی ءُ ۔
