ضلع آواران نا علاقہ مشکے ٹی نادُرست آ سلاہ بند بندغاک اینو 6:00 بجہ غا پاکستانی لشکر نا چوکی آ جلہو کرینو۔ ایلو کنڈ آن بلیدہ ئٹ پاکستانی لشکر نا لشکر کشی نا وخت آ اُرا تیا چھاپہ خلنگ مسنے۔
حوال تا رِد اینو ویگہ نا 6:00 بجہ غا نادُرست آ سلاہ بند بندغاک مشکے نا علاقہ میانی قلات ٹی کوزہ گیر پاکستانی لشکر نا ساڑی آ کیمپ آ بھلا و چُنکا سلاہ تیٹ جلہو کرینو، جلہو ہُرے اسکان برجاء مسنے۔ جلہو نا زمہ واری ئے ہچو تنظیم ئس دائسکان ارفتنے۔
ایلو کنڈ آن ضلع کیچ ئنا علاقہ بلیدہ ٹی پاکستانی لشکر نا لشکر کشی برجاء ءِ، لشکر کشی نا وخت آ اُرا تیا چھاپہ خلنگا و سمکاری نا ہم حوال ارے۔
حوال تا ردئٹ بلیدہ گردانک ئٹی پاکستانی لشکر اُرا تیا چھاپہ خلکنے، ہندی حوال تا ردئٹ پاکستانی لشکر لس آبادی آ سمکاری کرینے۔
