بلوچستان آن تعلقداری تخوک 15 سالی آ ایڈووکیٹ زنیرہ دا وخت آ نیویارک، امریکہ ٹی ساڑی ءِ، یونیسیف نا رد ئٹ او اقوام متحدہ نا جنرل اسمبلی نا وخت آ اڈ ہلوک “یونیسف یوتھ ایڈووکیٹس موبلائزیشن لیب 2025” ئٹ اوار مرو۔
یونیسف نا پاننگ ءِ کہ، زنیرہ تیوہ جہان آن گچین کننگوک بیرہ 12 ورنا تیان اسٹ ءِ، ہرادے جہانی تلہ نا بشخ مننگ نا وارخواہی رسینگانے۔
دا لیب گچین کننگوک ورنا تا ایڈووکیسی لائخی تے سوگو کننگ، تینا کسہ غاتے جہان نا مونا ہتنگ و اسٹ ایلو تون اواری ئٹ گچینو مستقبل ئسے نا خیال آتا درشانی نا وارخواہی ایتک۔
یونیسف پارے کہ زنیرہ نا توار و کسر شونی دا ہیت ئے پھاش کیک کہ ورنا کسر شونک جہان نا ویل آتا ایسری و پائیدارو مستقبل ئسے نا جوڑ کننگ ئٹ بنجائی کڑد ادا کیرہ۔
خیال ئٹ مرے چُنک سن زنیرہ نا باوہ قیوم زہری ئے پاکستانی فوج زوراکی ئٹ بیگواہ کننگ آن گڈ دروغ ئنا مونتس ئسیٹی کھسفیسس۔
