بلوچستان لبریشن فرنٹ نا ترجمان میجر گہرام بلوچ میڈیا ٹی شنگ کروک بیان ئسیٹی پارے کہ سرمچارک 24 ستمبر آ سہب ئنا 8:00 آ آواران نا ہند بزداد، کرکی ٹی کوزہ گیر پاکستانی لشکر نا پندھ آ گشت کروک ٹولی ئسے ریموٹ کنٹرول بمب ئٹ ٹک کریر ہراڑان ارا فوجی کارندہ مرگ ئنا گواچی و مُسٹ ٹپی مسُر۔
ترجمان پارے کہ جلہو آن نیم ساعت ئس گُڈ ہیلی کاپٹرک فوجی تا جون و ٹپی مروک کارندہ غاتے دننگ کن بسُر، سرمچارک کاروائی آن گُڈ سرسوبی ئٹ تینا رکھوک ٹھکانہ غاتے سر مَسُر۔
او پارے کہ اسہ پین کاروائی ئسیٹی 20 ستمبر 2025 آ بی ایل ایف نا سرمچارک بارکھان نا ہند وادی بغاؤ، پر غاڑہ ٹی روڈ کنسٹرکشن آ کاریم کروک کمپنی نا مشین تیا سُمکاری کریر و ایسر ئٹ کریش پلانٹ تون اوار مشین تے ہُشار ہراڑان مشین تے نسخان رسینگا ہرافتیت جنریٹر و گریڈر اوار ءُ۔
ترجمان ایسر ئٹ پارے کہ بی ایل ایف کرکی، بزدار ئٹی ریموٹ کنٹرول بمب تراک ئٹی ارا کارندہ نا خلنگ و مُسٹ ئے ٹپی کننگ و بغاؤ، بارکھان ئٹی روڈ آ جوڑشتی کمپنی نا مشین تیا آ جلہو نا ذمہ واری ئے ارفک۔
