بلوچستان نا ضلع خضدار نا ہند کوڈاسک ئٹی پاکستانی لشکر نا مُخ تفی ٹی کاریم کروک سلاہ بند ڈیتھ اسکواڈ نا کارندہ غاک سُمکاری کرسہ ورنا ئسے کھسفیر۔
ورنا اختر نا مار مسلم نا پن آ درست مسنے ہرا خضدار نا ہند کوڑاسک نا جہی ئس ءِ۔
پاننگک کہ پن کروک ورنا ئے استو ننکان اسٹ اُراغان خواہفِسہ سُمکاری کرینے ہراڑان او ہمو جہہ آ ساہ تسنے۔
یات مرے کہ داکان مُست 10 اکتوبر 2024 آ مسلم ئے پاکستانی لشکر زوراکی ئٹ بیگواہ کریسس، پدا 3 دسمبر 2024 آ بھاز بیدادی آن گُڈ اودے یلہ کننگاسس۔ اینو اودے سُمکاری کرسہ کھسفنگانے۔
خیال ئٹ مرے کہ پاکستانی لشکر نا مُخ تفی ٹی کاریم کروک سلاہ بند ڈیتھ اسکواڈ نا دُو آن کیہی بلوچ ورنا تا کھسفنگ نا حوال مونا بننگ ءِ۔ ڈیتھ اسکواڈ ئے فوج ئنا تیوہ کمک و مُخ تفی تُد ءِ۔
