ماہ رنگ بلوچ سوشل میڈیا اکاؤنٹ ایکس ( ٹویٹر ) آ پارے کہ سلامتی و خودمختاری نا پن آ بارڈر نا ہڑتوما نیمہ آتان لس بلوچ چُنا و زالبول آتا زندگی ئے خطر ٹی کننگءُ ۔ تینا سلامتی و آزادی نا رکھنگ نا پن ئٹ بلوچ آتا زی آ بیدس فرق آن میزائل خلنگک ۔ ہراٹی باڈر نا ہڑتوما نیمہ تان بلوچ آتا سلامتی کن خطرہ ءِ۔
او پارے کہ برجاء انگا بلوچ نسل کُشی ٹی تیزی بسُنے ۔ ہراڈان بلوچ آتا زندگی تے خطرہ ٹی شاغانو ۔پریشان کروکا راستی دادے کہ سیکورٹی نا پن ئے غلط کارمرز کننگءُ ۔ ہراڈان بے گُناہ بلوچ آک زیات زالبول و چُناتے اذیت نا گواچی کننگانے ۔
ہندا رد ئٹ سمی دین بلوچ پارے کہ باڈر نا ہڑتوما نیمہ آن بلوچ آتے خلیرہ ۔ دا ہیت آن فرق تمپک کہ جنگ ئے دیر کننگ ءِ یا دیر دیرے خلنگ ءِ بلکہ بلوچ آتے خلنگ ءُ ۔
