بلوچ آجوئی دوست راہشون خلیل بلوچ پروفیسر صباء دشتیاری نا شہیدی نا چانڑدمیکو سال دے ئنا رد ئٹ اسِہ بیان ئس شنگ کرسا پارینے کہ پروفیسر صباء دشتیاری بلوچ چاگڑد نا قندیل اس۔ او اسِہ نسل ئسے، راجی آجوئی نا تحریک نا مُہبری ئے، سائنسی وڑ و ڈول ئنا بنیاد آ کننگ نا روشنائی تِسک۔
خلیل بلوچ پارے کہ اونا ادبی کمک بلوچ ادب کِن بے کچ اسک۔ پاکستان پروفیسر صباء ئے ہندا سوب آن شہید کرے کہ ننے اسِہ فکریئو راہشون ئسے آن محروم کے، ولے اونا خیال و نظریہ غاک بروکا نسل آتا راہشونی ئے کرسا کرور۔
او پارے کہ اینو اونا شہیدی نا چانڑدمیکو سال دے آ نن اودے یات کینہ و دروت ندر کینہ، نن قول کینہ کہ پروفیسر صباء نا کسر ئٹ ہنِسہ راجی آجوئی ئے دوئی کرون۔
