حوال تا رد ئٹ بلوچستان ضلع خضدار، پنجگور و کیچ آن پاکستانی لشکر چھار بندغ دزگیر کرسا بیگواہ کرینے۔
پنجگور آن 26 مئی آ دزگیری آن گُڈ بیگواہ کننگوک بندغ نا چائنداری چنگیز بلوچ ولد یعقوب نا پن ئٹ مسنے۔
اندن ضلع کیچ ئنا علاقہ تمپ ملک آباد ئٹ درے نن پاکستانی لشکر چھاپہ خلنگ نا وختا دلیپ ولد رفیق و بلال ولد باقی پنیئو اِرا ورنا دزگیر کرسا تینتو درینے ہراکان گڈ اوفتا ہچ ڈس اف۔
ایلو کنڈ آن ضلع خضدار نا علاقہ کوڑاسک ئٹ ظفر اللہ ولد غلام نبی ئے 25 مئی آ اونا اِرا اِلّہ تون اوار پاکستانی لشکر کیمپ آ خواہِفیسس۔ کیمپ آ خواہفنگ آن پد پاکستانی لشکر ظفراللہ ئے بیگواہ کرینے و اونا ہڑتُما اِلہ غا تے یلہ کرینے۔
خیال ئٹ مرے کہ ظفر اللہ ئے داکان مُست ہم 29 اکتوبر 2023 آ پاکستانی لشکر زوراکی ئٹ بیگواہ کریسس و کیہی بیدادی تیان پد اودے یلہ کننگاسس۔ دا اِرٹمیکو وار ءِ کہ اودے زوراکی ئٹ بیگواہ کننگانے۔
