بلوچستان نا ضلع خضدار آن استو پاکستانی لشکر و ڈھکوک ایجنسی تا دو آن سیاسی کاریم کروک و نیشنل ڈیموکریٹک موومنٹ نا باسک غنی بلوچ زوراکی ئٹ بیگواہ کننگانے۔
حوال تا رد ئٹ نیشنل ڈیموکریٹک پارٹی (این ڈی پی) نا بنجائی تنظیمی کمیٹی نا باسک غنی بلوچ ئے استو خضدار آن ہموتم بیگواہ کننگا ہراتم او کراچی آ ہِننگ اس۔
پاننگک کہ پاکستانی ڈھکوک ایجنسی تا کارندہ غاک اودے اُلسی ٹرانسپورٹ گاڑی ئسے آن دھڑفِسہ زوراکی ئٹ تینتو درینو ہراکان گڈ اونا ہچ ڈس اف۔
غنی بلوچ نا تعلقداری نوشکی آن ءِ۔ او بلوچ اسٹوڈنٹس ایکشن کمیٹی نا مسکوہی وائس چئیرمین ءِ و براہوئی زبان نا ایم فل اسکالر نا خوانندہ ئس ءِ۔
