بلوچی زبان نا پنی آ شائر و بلوچ نیشنل موومنٹ (بی این ایم) نا ہُرے نا باسک و زوراکی ئٹ بیگواہ کننگوک سید حاصل خان حسرت نا لُمہ بی بی زلیخہ دا کوڑی آن رخصت مس۔
سید حاصل خان حسرت ولد عبدالرحمٰن جھاؤ ملا گزی نا جہی ئس ءِ۔ اودے 19 فروری 2014 آ پاکستانی لشکر دزگیر کننگ آن پد بیگواہ کریسس۔ او ہنوکا یانزدہ سال آن بیگواہ ءِ۔
بی بی زلیخہ تینا مار ئنا واپسی نا اُمیت ئٹ یانزدہ سال اسکان گنار کرے و ایسر ئٹ تینا چُنا کن خن کسر آ دا کوڑی آن رخصت مس۔
یات مرے کہ سید حاصل خان حسرت تون اوار دولت خان ولد عبدالکریم و 50 بندغ پین زوراکی ئٹ بیگواہ کننگاسُر، ہرافتان گیشتر بندغ آک جتا وخت آتیٹ آجو کننگار، واہم حاصل خان حسرت و دولت خان دائسکان بیگواہ ءُ۔
