بلوچ نیشنل مومنٹ نا بنجائی باسک و بلوچی زبان نا شاعر حنیف بلوچ تینا شنگ کروکا درشان ئٹی پارے بلوچ راج و زرمبش نا سنگت آتے موارکبادی ایتنہ، زرمبش ٹی وی بلوچ راج کن اسہ بھلو مستائی ئس ءِ۔
او پارے کہ زرمبش و بی این ایم نا واکدار و باسک آتا بھلا جہد و جفاکشی نا سوب آن اینو زرمبش دا جہہ آ سر مسُنے کہ بلوچ راج ئنا توار ئے ٹی وی نا دروشم ئٹ بلوچ راج و دنیا ئے سر کننگ ئٹ سرسوب مسنے۔
او پارے کہ دا سفر ئٹی بلوچ ادیب و چائندار آتا سوج و نغدکاریک ہم سنگت آتیکن حوصلہ نا سوَب مسنے۔ ہر اسٹ اسہ نہ اسہ دروشم ئسیٹ تینا بشخ ئے شاغانے، و نن ہندا اومیت کینہ کہ مونا ہم چائندار و سوہَو آک اندا وڑ زرمبش نا سنگت آتون ہمکوپہ مرور و دا جہد ئے گیشتر مونا دننگ ئٹ تینا جہد ئے اوار کرور۔
