بلوچستان نا ضلع آواران ئٹی دراسکی جھل ئنا جہہ آ سلاہ بند بندغ آتا سمکاری آن اسہ ورنا ئس بیران و اسٹ ٹپی مسنے۔
شابیتی حوال تا رد ئٹ سمکاری آن ساہ کل مالار نا جہی اللہ بخش نا مار راجد علی ہمو جہہ آ بیران مس و نعیم ولد عرض محمد سیاہ کل بھاز ٹپی مسنے۔
حوال رسینگ تون اوار لیویز و پولیس کارندہ غاک تدینی نا جہہ آ سر مسر و جون تِہ پوسٹ مارٹم کن ڈسٹرکٹ ہیڈ کوارٹر اسپتال آواران آ رادہ کریر۔
جہی حوال تا رد ئٹ تومکا ورنا تیا سرکاری مُخ تف سلاہ بند ٹولی “ڈیتھ اسکواڈ” نا کارندہ غاک جلہو کرینو۔
خیال ئٹ مرے کہ دا ٹولی (ڈیتھ سکواڈ) نا مُخ تفی ئے پاکستانی لشکر کیک ہرا بلوچ ورنا تِہ ٹک کرسا خلنگ (ٹارگٹ کلنگ)، زوراکی ئٹ بیگواہ کننگ، و ایلو چاگڑدی گندئی تیٹ تُد ءُ۔
