بلوچ نیشنل موومنٹ (بی این ایم) نا کنڈ آن "بلوچستان لابنگ ڈے” نا سرحال ئٹ اڈ تروک اسہ مُچی ئسیٹی زوراکی ئٹ بیگواہ کننگوک بندغ آتا خاہوت آک برطانیہ نا پارلیمنٹ نا باسک ئسے تو اوڑدئی کریر و تینا بندغ آتا بیگواہی تا رد ئٹ شابیتی ئٹ حال تسُر۔
دا وخت آ زوراکی ئٹ بیگواہ کننگوک بلوچ خوانندہ مہبر ذاکر مجید بلوچ نا لمہ ہم ساڑی اسک۔ ہرا تینا مار ئنا زوراکی ئٹ بیگواہی و گدرینگوکا کیہی سال آن مروک جہد ئنا بارو ئٹ شابیتی ئٹ حال تسک۔
او پارے کہ ذاکر مجید ئے 2009 ئٹی زوراکی ئٹ بیگواہ کننگا، و ہمو دے آن او انصاف پٹنگ کن در در آ رُلنگ ئٹی ءُ۔
ذاکر مجید نا لمہ جہانی کہول آن خواست کرے کہ او بلوچستان ئٹی برجاء زوراکی نا بیگواہی تا برخلاف توار ہرفِر و زیمی مروک آخاہوت آتیتو اواری نا درشانی کیر۔
