بلوچستان نا ضلع پنجگور ئٹی پاکستانی لشکر نا دو آن بیگواہ کننگوک بندغ نا جون ویران ئسے آن خننگانے ہرا نا چاہنداری سریکوران پنجگور نا جہی یار محمد نا مار حسن جان نا پن ئٹ مسنے۔
حوال تا رد ئٹ حسن جان لیویز نا ملازم ئس اسک ہرادے 29 اپریل آ پنجگور نا علاقہ چتکان بازار آن پاکستانی لشکر دزگیر کریسس، ہراکان گُڈ او بیگواہ اس۔
اینو پن کروک بندغ نا جون اسہ ویرانو جہہ ئسے آن خننگانے۔
خیال ئٹ مرے بلوچستان ئٹ بیدس عدالت خون ئنا دا اولیکو وار اف۔ ہنوکاتم ئٹ ہزار آ بندغ آک اندا وڑ دزگیری ٹی پاکستانی لشکر نا دو آن کھسفنگانو۔
دا وڑ ئنا تدینی تا برخلاف بلوچ قوم دوست تپہ غاک و بندغی حق آتا باسک آک تدوکا اِرا دہک آن برانز کننگ ءُ۔
