بلوچستان نا اِرا جتاؤ ضلع، سبی و گوادر ئٹ تراک آتا حوال ءِ۔ تراک آتیٹ اِرا بندغ کھسکنو اسٹ ٹپی مسنے۔
شابیتی حوال تا رد ئٹ سبی ٹی یک شمبے نا نن لائیو اسٹاک ڈپٹی ڈائریکٹر آفس نا خُڑک آ تراک ئس مس۔ تراک ئنا توار مُر اسکان بِننگ مس واہم ہچو جانی نسخان نا حوال اف۔
ایلو کنڈ آن بلوچستان نا دریابی شار گوادر نا علاقہ پسنی ٹی مروکا تراک ئٹ اِرا بندغ کھسکنو ہرافتا تعلقداری سرکاری مُخ تف سلاہ بند ٹولی ‘ڈیتھ اسکواڈ’ آن پاننگک۔
کھئوکا بندغ آتا چاہنداری وارڈ نمبر ۱ پسنی نا جہی منیر نا مار سلمان و اعظم نا مار محمد نواز، حکیم والا، نزد چورنگی، جوہر آباد نا جہی نا پن ئٹ مسنے۔
جلہو تا ذمہ واری ئے دائسکان ہچو تنظیم ئس ہرفتنے۔
