بلوچ یکجہتی کمیٹی نا بنجائی سروک بیبرگ بلوچ نا حالیت بین برانز نا مسٹمیکو دے فریشان کروک حد اسکان خراب مسنے۔
بیبرگ بلوچ ئے جیل ئٹ تُو ئسے آن زیات مریک۔ دزگیری آن مُست اودے فالج مسس و داسا بین برانز نا سوب آن اونا تب خراب مسنے۔
اینو بیبرگ بلوچ نا خاہوت اودے خننگ کن ہناسس، خاہوت نا رد ئٹ او بھاز ہائپو ٹینشن (بلڈ پریشر ئٹ خطرناک حد اسکان کمبوتی) و وار وار آ بے ہوشی مننگ ءِ۔ اونا جسمانی حالیت ترندی ئٹ خراب مننگ ءِ و اودے دمدستی جانجوڑی کمک و اسپتال ئٹ داخل کننگ نا ضرورت ءِ۔
ولے پولیس کوالخواک اودے اسپتال آ راہی کننگ افس، ہرا نا سوب آن اونا زند ئے سخت خطرہ ءِ۔
خاہوت پارے کہ نن ریاست ئے خبڑدار کینہ کہ بیبرگ بلوچ نا زند ئے نسخان مس تو دا نا تیبہ ذمہ واری ریاستی ادارہ غاتا مرو۔
