بلوچستان لبریشن فرنٹ نا ترجمان میجر گہرام بلوچ پارینے کہ 24 اپریل آ نن ئنا 11:40 بجہ آ بی ایل ایف نا سرمچار آک خضدرار نا علاقہ وڈھ ئٹی لوئی و گڈیارو نا نیام ئٹی بلوچ نا مڈی تا لٹ ءُ پل ئٹی اوار مڈی دروکا لاری تے نسخان رسیفنگا، ہندن ڈرائیور آتے بلوچ مننگ نا سوب آن یلہ کننگا۔
او پارے کہ بلوچ نا زِر و مڈی تا لُٹ ئہ پل و لتاڑ ئٹی کمک کننگ کن پاکستانی لشکر بلوچستان نا جتا آ ہند آتیٹی بیرہ پِن ئنا امن فورس نا پن ئٹ ڈیتھ اسکواڈ جوڑ کرِسا کرینے تانکہ دا مڈی تے آن پنجاب ئے آسودہ و بلوچ قوم ئے خوار کننگ کے۔ فوج دا سلاہ بند بندغ آتے ہندی بندغ آتے خُلیفنگ و آزاتی نا جنز ئنا برخلاف کارمرز کرِسہ کرینے۔
ترجمان بیان ئٹی پارینے کہ کوزہ گیر ریاست نا تاغت ئے برجاء تخنگ و بلوچ سرمچار آتا برخلاف ڈوہ دار آ بندغ آتے اسہ جہہ آ و سلاہ بند کننگ تون اوار کاریم کرفنگ کن نال ئٹی سردار اسلم بزنجو نا مار شاہ میر بزنجو نا بھلنی ٹی ہندا زوت ئٹ ہندا وڑ او امن فورس ئس جوڑ کننگانے۔
او گیشتر پارے کہ اسہ ذمہ وارو قومی تنظیم ئسے نا حیثیت ئٹ و میڈیا نا ذریعت ئٹ دا بیرہ پن ئنا امن فورس نا کارندہ آتے خبڑ دار کینہ کہ او فوج و ہندی مافیہ نا دو تیٹی گوازی کننگ آن تینے تورِر، اگہ او اسہ لس بلوچ یا سرمچار ئسے نا برخلاف ہمرو ہم کاریم ئسیٹی اوار مسُر تو اوفتے ٹِک کننگو۔
ایسر ئٹ او پارے کہ بی ایل ایف وڈھ ئٹی بلوچ مڈی تا لٹ ئہ پُل ئٹی اوار لاری تے آ جلہو نا ذمہ واری ئے ہرفِک و تیبہ لاری مالک آتے حال ایتک کہ او دا لُٹ ئہ پل کروکا پروگرام آتا بشخ جوڑ مفس۔
