بلوچستان نا ضلع دکی ٹی اندا زوت ئٹ مروک اسہ دروغ ئنا مونتس ئسیٹ کھسفنگ مروک بندغ ئسے نا چاہنداری عبدالنبی مری نا پن ئٹ مس۔
خاہوت نا رد ئٹ عبدلنبی مری ئے اِرا تُو مُست پاکستانی لشکر دزگیر کننگ آن گُڈ بیگواہ کریسس۔
عبدالنبی مری نا باوہ سعید مری و ایلم ہم اِرا تُو آن بیگواہ ءُ۔
یات مرے کہ پاکستانی لشکر مَنہ دے مُست دکی ٹی پنچ بندغ کھسفنگ نا دعویٰ کریسس، ہرافتان دائسکان مُسٹ نا چاہنداری مسُنے۔ ہرا مُسہ بندغ پاکستانی لشکر نا دو آن مُست آن بیگواہ کننگاسُر۔
ایلو کنڈ آن ضلع خضدار نا علاقہ زہری آن یونین کونسل بلبل (فراخود ایریا) ٹی اسہ ورنا ئسے نا سُم ئٹ بروی کروک جون خننگانے۔
لیویز نا رد ئٹ پن کروک ورنا ئے لِخ و گؤر ئٹ سُم خلِسہ کھسفنگانے۔
جون ئے سکندر اسپتال آ رادہ کننگانے۔ حوال تروکا تا پاننگ ءِ کہ تدینی درے نن مسُنے واہم جون ئنا چاہنداری دائسکان متنے۔
