بی ایل اے نا ترجمان جیئند بلوچ نا شنگ مروک بیان نا رد ئٹ سرمچارک تربت ئٹی اسہ جلہو ئسے نا وخت کوزہ گیر پاکستانی لشکر نا اسہ کمکار ئسے مرگ ئنا گواچی کریر۔
او پارے کہ سرمچارک درو تربت نا ہند ڈنک ئٹی اسہ جلہو ئسیٹی ریاستی کمکار گوکدان نا جہی امان ولد غلام ئے مرگ ئنا گواچی کریر۔ پن کروکا بندغ کوزہ گیر لشکر نا اڈ تروک ڈیتھ اسکواڈ نا اسہ اہمو کارندہ ئس اسک۔ 2029 ئٹی کوزہ گیر لشکر اودے بلوچ آجوئی خواہوک سلاہ بند تنظیم آتیٹی اوار مرسا مخبری نا ٹاسک تسس۔ واہم بی ایل اے نا انٹیلی جنس ونگ ئے نہ بیرہ اونا ڈٹ بندی بلکہ اونا کاریم تا بارو ئٹ تیبہ حوال رسیگناسس۔ سرمچارک انٹیلی جنس معلومداری تا رد ئٹ اندا بندغ تون رابطہ تخار تاکہ اودے ٹریپ کننگِہ۔ امان پدا سرمچار آتا مخبری کننگ آ بےسوب مننگ آن پد سرنڈر نا ڈرامہ نا بشخ مرسا باقاعدہ ڈیتھ اسکواڈ ئٹ اوار مرسا مونا بس۔
او پارے کہ آلہ کار امان تربت نا ہند ڈنک، گوکدان، بہمن، شاہی تمپ و ہیب ئہ کھیب ئنا ہند آتیٹی کاریم کننگ اسک۔ دا ٹولی نا کاریم تیٹی اُرا تیا چھاپہ، ورنا تہ بیگواہ کننگ و ٹارگٹ کلنگ اوار اسک، ہرافتیٹ اندا بندغ کوزہ گیر لشکر نا کمکار اسک و کوزہ گیر لشکر وی آئی پی نا ہن و بر نا وخت جتا ہند آتا کلئیرنس نا ٹاسک ہم تسس۔
ترجمان پارے کہ بلوچ کش ڈوہ تیٹی تُد مننگ آ بلوچ راجی عدالت آلہ کار امان ئے سزائے موت تس، ہراڑا سرمچارک عمل کرسا اودے ایسری انجام اسکان سر کریر۔
ترجمان ایسر ئٹ پارے کہ بلوچ لبریشن آرمی دا جلہو نا زمہ واری ئے ہرفک و پڑو کیک کہ پن کروک ٹولی ٹی تُد ایلو بندغ آتا پیدواری کننگانے، ہرافتے زوت سرمچارک اوفتا ایسر اسکان سر کرور۔
