سیستان بلوچستان نا سیمی آ علاقہ سراوان مرز ئنا ہند آ نادُرست آ بندغ آتا سُمکاری آن نال کوڑاسک نا جہی ورناس خلنگا۔
سمکاری ٹی بیران مروک بندغ حلیم ولد عبدالنبی نا پن ئٹ درست مسنے ہرا نال کوڑاسک نا جہی ئس ءِ۔
حوال تا رد ئٹ حلیم کیہی سال آن تینا باوہ پیرئی آ ہند کوڑاسک آن سیستان بلوچستان ئٹ مزوری کن بسس۔ پن کروک ورنا ئے درو ویگہ نا وخت نادُرست آ بندغ آک سراوان مرز ئنا جہہ آ سُمکاری کرسا خلکُر۔
دا حوال ئے خاہوت نا پارہ غان پک کننگانے، واہم دائسکان خون ئنا سوب چائنگ متنے۔
