بلوچستان نا ضلع بارکھان نا ہندی ورنا آ صحافی آصف کریم کھیتران زوراکی ئٹ بیگواہی آن پد آجو مسُنے۔
تینا آجوئی نا حوال ئے او تینا جند ئنا ایکس اکاونٹ آ پک کرِسہ پارینے کہ او واپس بسُنے۔
آصف کریم کھیتران بارکھان پریس کلب تون تفوک اسہ صحافی ئس ءِ۔ بلوچستان آن سیاسی تنظیم و بندغی حق آتا باسک آک اونا زوراکی ئٹ بیگواہی ئے پکّ کریسُر۔
اودے گدرینگوکا تو مارچ ئنا 15 تاریخ آ بیگواہ کننگاسس، ہندن اونا بیگواہی آن مُست سرکار اونا دکان ئے ہم بند کریسس۔
بندغی حق آتا تنظیم آک آصف کریم کھیتران نا زوراکی ئٹ بیگواہی ئے شیف خَلِسہ اونا زوت آن زوت آجوئی نا خواست کریسُر، ہرا اینو آجو مسُنے۔
