بلوچستان نا ضلع ڈیرہ بگٹی نا علاقہ سوئی آن پاکستانی لشکر اِرا بندغ زوراکی ئٹ بیگواہ کرے۔
شابیتی حوال تا رد ئٹ اینو سوئی نا اسہ ہوٹل ئسے آن تولا بگٹی نا سینزدہ سالی آ مار محمد حیات و ناڑی بگٹی نا مار سیوا ئے پاکستانی ڈھکوک ایجنسی و ڈیتھ اسکواڈ نا کارندہ غاک بیگواہ کرینو۔
خیال ئٹ مرے کہ بلوچستان ئٹی زوراکی نا بیگواہی تا تدینی تیٹ اسہ وڑ ودکی مننگ ءِ۔
گوادر آن زوراکی ئٹ بیگواہ کننگوک پنی آ ورنا شائر نبیل نود بلوچ آجو مرسا تینا اُراغا سر مسنے۔
نبیل نود بلوچ ئے 23 مارچ آ گوادر نا علاقہ “دو بیست پنجاہ” آن پاکستانی ڈھکوک ایجنسیک زوراکی ئٹ بیگواہ کریسُر۔
