بلوچ لبریشن آرمی نا ترجمان جیئند بلوچ میڈیا غا شنگ کروک بیان ئسیٹی پارینے کہ بی ایل اے نا سرمچارک اینو قلات ئٹی کوزہ گیر پاکستانی لشکر ئے جلہو ٹی ٹک کرسا دشمن لشکر نا 4 کارندہ مرگ ئنا گواچی کریر و 6 ٹپی مسر۔
ترجمان پارے کہ بلوچ لبریشن آرمی نا سرمچارک قلات نا علاقہ ہربوئی ٹی کوزہ گیر پاکستانی لشکر نا موٹرسائیکل آتا ساڑی کاروان آ خُڑکان جلہو کریر، جلہو ٹی کوزہ گیر لشکر نا 4 کارندہ ہمو جہہ آ کھسکر، اوفتا توفک و فوجی مڈی تِہ سرمچارک دوئی کریر۔
ترجمان جیئند بلوچ پارے کہ سرمچارک جلہو ٹی کوزہ گیر پاکستانی لشکر نا نروکا شش کارندہ غاتِہ ٹپی کریر، بے اُست آ لشکر نا کارندہ غاک تینا کہوک آ کارندہ غاتِہ الِسہ نرار۔
او مُستی پارے کہ کوزہ گیر پاکستانی لشکر ئے سرمچارک ہموتم خلسہ نُسخان تِسُر ہراتم او ہربوئی و ہیب ئہ کھیب ئنا علاقہ غاتیٹی لشکر کشی ٹی آختہ اس، جلہو نا سوب آن دشمن لشکر پدی مس۔ بلوچ لبریشن آرمی ہر وخت اُلس ئنا رکھ کِن تیار ءِ، دشمن نا ہر زوراکی نا ورندی ئے ہمو وڑ تُرند آ جلہو تیٹ تننگ مریک۔
