اینو 23 مارچ یک شمبے نا دے، بلوچستان ئٹی بندغی حق آتا لتاڑ، بلوچ یکجہتی کمیٹی نا راہشون ڈاکٹر ماہ رنگ بلوچ، بیبگر بلوچ و ایلو باسک آتا دزگیری، شال ئٹی پُر ایمن برانزی تیا سُمکاری نا سوب آن حبیب، امداد، و دوانزدہ سالی نعمت نا خون، و بی ایس او آزاد نا راہشون نا 11 سال آن بیگواہی نا برخلاف برانز کننگا۔
برانزیک دو تیٹ پلے کارڈ و زیمی مروکا تا عکس آتِہ ہرفیسُر و زوراکی نا بیگواہی تہ ایسر کننگ و زوراکی ئٹ بیگواہ کننگوک و سیاسی بندی تا آجوئی نا خواست کریر۔
ہیت کروک آک پاریر کہ پاکستانی لشکر ہڑدیئی بنداو آ بےڈوہ بلوچ آتِہ خلنگ ءِ، و زوراکی نا بیگواہیک تیبہ بلوچستان ئے تینا پلویڑ ئٹی ہلکنو۔ زوراکی ئٹ بیگواہ کننگوک آتیٹی ہمو پنی آ بندغ آک ہم اوار ءُ ہرا چاگڑد نا سیاسی و علمی دیمرئی کن اہمو کڑد ادا کرینو۔ خوانندہ غاک، سائنسدانک، پروفیسر و بندغی حق آتا باسک آک ہم دا زوراکی تا گواچی مننگ ءُ۔
بی این ایم جہانی مخلوق و جہانی ادارہ غا تیان خواست کرے کہ اوفک بلوچ راج ئنا آجوئی نا حق ئکن مداخلت کیر و بلوچستان نا آجوئی ئے یخینی جوڑ کیر۔
