بلوچستان ئٹی بلوچ زنک ایسری و برجاء تدینی تا برخلاف بی این ایم برطانیہ، نیدرلینڈز و جرمنی ٹی برانز نا پڑو تسنے۔
ترجمان نا کنڈان شنگ کروک بیان ئٹ پاننگانے کہ بلوچ نیشنل موومنٹ ( بی این ایم ) نا کنڈان شال ئٹ برانزی تا خون، زوراکی نا بیگواہی، ڈاکٹر ماہرنگ بلوچ نا دزگیری و بلوچ زنک ایسری تا برخلاف برطانیہ، نیدرلینڈز و جرمنی ٹی پھگہ برانز کننگ مرو۔
یات مرے کہ جمعہ نا دے بلوچستان نا بنجائی شار کوئٹہ ئٹ پر ایمن برانزی تیا ریاستی لشکر کریک ڈاؤن کرِسہ 3 بندغ خلک و ہفت بندغ نا حالیت خراب پاننگِک، کریک ڈاؤن نا وخت آ کیہی بندغ آتِہ دزگیر و بیگواہ کننگا، لشکر نا بیدادی و شیلنگ آن کیہی بندغ آک ٹپی مسر۔
تدینی آن پد برانزیک انصاف دوئی کننگ کن مسہ جون ئے تخِسہ سریاب روڈ آ برانز تسر و اینو سہب ئنا سہور نا وخت آ لشکر ولدا برانز جہہ آ بس و برانزی تِہ بیدادی نا گواچی کرے و بلوچ یکجہتی کمیٹی نا راہشون ڈاکٹر ماہ رنگ بلوچ تون اوار ایلو زالبول و برانزی تِہ دزگیر کرِسہ نا درستو جاگہ ئسے آ درے۔
اینو کوئٹہ تدینی نا برخلاف تیوہ بلوچستان بند ءِ و برانز آک برجاء ءُ۔ جتا شار تیٹ شٹر ڈاؤن و پیہہ جام برانز برجا ءِ، موبائل و انٹرنیٹ سروس آک بند کننگانو۔
