بلوچ یکجہتی کمیٹی نا پارہ غان پریس کانفرنس ئٹ پاننگانے کہ نن دا پڑو نا ذریعت ئٹ پانہ کہ ننا تولوک برانز سریاب ئٹ ہمو جہہ آ برجاء ءِ، و ایسکان ننا خواست آک پورو متنو ننا برانز برجاء مرو۔
او پاریر کہ نن حکومت ئے پھاش پانہ کہ ڈاکٹر ماہ رنگ بلوچ، بیبگر بلوچ تون اواو ایلو سنگت آتِہ دمدستی آجو کننگِہ نہ تو تیبہ بلوچستان ئے نن بے پاننگوک وخت اسکان بند کرون و دا نا غُٹ ذمہ واری ریاست و حکومت آ مرو۔
اوفتا خواست آتیٹ ڈاکٹر ماہ رنگ بلوچ، بیبگر بلوچ تون اوار ایلو دزگیر کننگوک باسک آتِہ بیدس شڑت آن آجو کننگ، تینا مون سمکاری نا بھرم ئٹ کیہی بندغ آتِہ ٹپی و شہید کننگ نا برخلاف وزیرِ اعلیٰ بلوچستان سرفراز بگٹی و آئی جی پولیس نا برخلاف ایف آئی آر کننگ و اوفتِہ اوفتا عہدہ غا تیان کشنگ اوار ءِ۔
داکان بیدس کمشنر کوئٹہ و ڈپٹی کمشنر کوئٹہ ئے کشنگ و بلوچ سیاسی باسک آتا برخلاف انتقامی کارروائی تا لڑ ئے بند کننگ و دروغ ئنا کیس آتِہ ایسر کننگ ہم خواست آتیٹ اوار ءِ۔
