منگچر،نال: بیگواہ غآ بندغ آتا آجوئی کن برانز، ڈیتھ سکواڈ نا دوآن ورناس بیران

منگچر: کوئٹہ غان بیگواہ کننگوک بندغ آتا آجوئی کن اوفتا خاہوت آک جوہان کراس بازار نا خڑک باب ہند آ کوئٹہ-کراچی بنجائی کسر ئے بند کریر، ہرانا سوب آن کیہی مسافرک گھٹ مسنو۔

اوفتا پاننگ ءِ کہ درے نن جناح ٹاؤن آن محمد فہیم ولد سعید احمد و خادم حسین ولد علی احمد ئے نیچاری آن بیگواہ کننگانے۔ اوفتا آجوئی کن برانز برجاء اسک کہ سلاہ بند بندغ آک سادہ پُچ آتیٹی قدرت اللہ ولد علی احمد نیچاری ئے زورانسری تینتون دریر۔

برانز کروک آک دا عمل ئے اسہ ناانصافی ئس پاریر و بیگواہ کننگوک بندغ آتا آجوئی اسکان احتجاج ئے برجاء تخنگ نا پڑو کریر۔

برانز نا سوب آن مسافرک بھاز آ ویل آتا گواچی ءُ۔ خاہوت آتا پاننگ ءِ کہ اگہ ننا بندغ آتِہ آجو کننگتو تو نن پین گیشتر وڑ ئٹ احتجاج کرون۔

ایلو کنڈ آن نال ئٹ سلاہ بند بندغ آک سمکاری کرسا اسہ بندغ ئس کھسفینو۔

کھئوکا بندغ نا چاہنداری شاہ جان نا پن ئٹ مسنے ہرا بی ایس او آزاد نا زوراکی ئٹ بیگواہ کننگوک چئیرمین زاہد کرد ئنا ایلم اس۔

خیال ئٹ مرے زاہد کرد ئے 2014 ٹی پاکستانی لشکر کوئٹہ آن زوراکی ئٹ بیگواہ کریسس۔

شونکار

شونکار|زْرمبش براہوئی

شونکار

شونکار|زْرمبش براہوئی

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Next Post

مستونگ، پنجگور: اسہ بندغ ئس بیگواہ، اسٹ آجو

ہفتہ مارچ 15 , 2025
بلوچستان ئٹی زوراکی نا بیگواہی تا لڑ برجاء، مستونگ نا جہی بندغ ئس زوراکی ئٹ بیگواہ۔ شابیتی حوال تا رد ئٹ خشین خیر مستونگ نا جہی غلام مصطفی نا مار سلمان اِرا دے مُست منگچر آن مستونگ آ بَننگ آ پاکستانی لشکر نا دو آن زوراکی ئٹ بیگواہ کننگانے۔ خاہوت […]

دلگوش کرز

زرمبش براہوئی

زْرمبش راھے پہ آجوئی

زْرمبش بلوچی ، چہ زْرمبش شکسار ءِ نیمگ ءَ بلوچی زبان ءَ گزارش ءُ ھال شنگ کنت۔ اے ھال ، نبشتانک توار بند ءُ تامرانی دْروشم ءَ شنگ کنگ بہ اَنت۔

آسان دزرس