تربت لاء کالج آن زوراکی ئٹ بیگواہ کننگوک سعید احمد نا آجوئی کن خاہوت اسہ وار پدا کسر ئے تفسہ برانز بناء کرے۔
تربت نا جہی نیک بخت نا مار سعید احمد نا خاہوت اینو دوارہ تجابان کرکی نا ہند آ سی پیک روڈ ئے تفسہ برانز بناء کرینے و اونا سرسلامت آجوئی نا خواست کننگ ء۔
خیال ئٹ مرے سعید احمد نا خاہوت داکان مہالو ہم برانز کرسہ کسر ئے بند کریسس و اونا آجوئی نا خواست کننگ اس ولے ضلعی اسٹنٹ کمشنر محمد جان نا پارہ غان باور تننگا کہ سعید احمد ئے ارا دے ئٹی آجو کننگو ہراکان گڈ خاہوت برانز ئے ایسر کرے۔
اینو چھارمیکو دے سعید احمد نا آجو مفننگ نا دروشم ئٹ خاہوت دوارہ برانز بناء کرینے۔
سعید احمد نا خاہوت نا رد ئٹ اودے 5 مارچ آ ویگہ نا شش بجہ غا ڈیوٹی نا وختا لاء کالج تربت آن بیگواہ کننگانے۔
خاہوت پارینے کہ سعید احمد نا آجوئی اسکان روڈ بند مرو و اینو اودے آجو کننگتو تو پگہ 12 مارچ آ لاء کالج تربت نا گیٹ ئنا مونا ہم تولوک برانز بناء کننگو۔
