وائس فار بلوچ مسنگ پرسنز نا کوئٹہ پریس کلب نا مون آ زوراکی نا بیگواہی تا برخلاف برانزی گدان اینو 5756 میکو دے برجاء ء۔
دا وخت آ سول سوسائٹی تربت نا چیئرمین گلزار دوست، بی ایم پی نا منظور بلوچ، جماعت اسلامی نا صوبائی امیر و ایم پی اے مولانا ہدایت الرحمن و ایلو نرینہ و زالبول آک اواری نا درشانی کریر۔
تنظیم نا وائس چیئرمین ماما قدیر بلوچ پارے کہ کوئٹہ کلی شاہنواز آن ہندا تو 7 و 8 تاریخ نا نیامیکو نن چنک سن و ناجوڑ چنا داؤد سمالانی ئے اونا ارا ٹی سی ٹی ڈی و ڈھکوک ادارہ غا تا بندغ آک پیہیسہ چادر و چھار دیوالی نا شرف ئے لتاڑسہ داؤد ئے مخبر تا نشان دہی آ زوراکی ئٹ تینتو اوار دریر ہرا دائسکان بیگواہ ء۔
ماما قدیر بلوچ پارے کہ نن بحیثیت راج نہ سہی بحیثیت اسہ کوزہ مروک ریاست ئسے نا بندغ نا سہی مذہب و راج و آزادی ایمن نا داعی ملک آک پاکستان ئے بلوچستان ئٹ بے گناہ بلوچ آ تیا کروکا ظلم تیا بندغی ہمدڑدی نا بنداو آ پاکستان نا برخلاف توار بڑز کیر ۔
ماما قدیر بلوچ بلوچستان ئٹ پاکستانی جبر نا گواچی ہزار آ زوراکی ئٹ بیگواہ کننگوک بلوچ آتا آجوئی کن برجاء ء۔
ماما قدیر بلوچ پارے کہ بلوچ آک پاکستان نا جبر ئنا مونا تحریک نا تسلسل تون اوار برجاء تخا دا پر ایمن جہد جہان نا کل محکوم راج آتیکن رژنو کسر ئس ء کہ امر لمہ باوہ، ایڑ و ایلمک جہد ئٹ قربانی تروکا تینا بندغ آتیکن پر ایمن جہد کننگ ءُ۔
