بلوچ راجی آجوئی سنگر (براس) نا جارکش بلوچ خان میڈیا ٹی شنگ کروک تینا درشان ئٹ پارینے کہ سرمچارک کوہلو نا جہہ بارکھان ئٹ جارحیت نا غرض ئٹ مستی گھام خلوک کوزہ گیر پاکستانی لشکر نا کارندہ غاتہ ٹریپ کرسہ جلہو کرے، ہراٹی 13 دژمن کارندہ خلنگار و 8 ٹپی مسر۔ سرمچارک دژمن لشکر تون اوار جنگ ئٹ دلیری نا درشانی کرسہ دژمن ئے جانی نسخان تسر۔ ہراٹی براس نا سرمچار سنگت غلام رسول مری عرف منشی عیدو شہادت نا عظیم انگا جہہ ئے دوئی کرے۔
او پارے کہ بارکھان نا جہہ گلو شمچودی ٹی 23 فروری 2025 آ کوزہ گیر پاکستانی لشکر نا موٹر سئیکل و گاڑی تیا ساڑی قافلہ و پند آ کارندہ غاتون اوار جارحیت نا غرض ئٹ گھام خلکر، ہراڑے مہالو آن سلوک سرمچارک کوزہ گیر لشکر آ جتا جہہ تیان جلہو بناء کریر۔ دا جلہو تیٹ کوزہ گیر پاکستانی لشکر نا پنچ کارندہ ہموتم کھسکر، پین جانی و مالی نسخان ہرفنگ آن پدا دژمن بےسوب مس۔
جارکش پارے کہ براس نا سرمچارک ڈٹ بندی ئٹ تینا اسہ عارضی کیمپ ئسے دژمن نا نظر ئٹ بننگ ایلار۔ جارحیت نا ارٹمیکو دے کوزہ گیر لشکر گھٹ مرسہ ہمو جاگہ غا سر مس، ہرانگا براس نا سرمچارک ارا کنڈ آن جلہو بناء کریر۔ دا جلہو تیٹ دژمن نا پین ہشت کارندہ خلنگار و کم ئس کم ہشت ٹپی مسر۔ کوزہ گیر پاکستانی لشکر نا خلوکا کارندہ غاک تینا موٹر سائیکل تہ الیسہ نرار۔
او پین پارے کہ بارکھان جارحیت ئٹ سرمچار تا جلہو تا سوب آن جانی نسخان ہرفنگ آن پد کوزہ گیر پاکستانی لشکر السی ابادی ئے ٹک کرے۔ دژمن لشکر بندغ آتا ارا تہ ہشسہ ہشت بندغ زوراکی ئٹ بیگواہ کرے و علاقہ ئٹ خوارک نا در ئہ ہت ئے بند کریر۔
براس نا جارکش پارے کہ کوزہ گیر پاکستانی لشکر تون جنگ ئٹ بلوچ راجی آجوئی سنگر ( براس ) نا سرمچار سنگت غلام رسول مری عرف منشی عیدو شہید مس۔ اونا جون ئے براس نا سرمچارک لشکری اعزاز تون اوار گلزمین نا باہوٹ کریر۔
بلوچ خان پارے کہ براس نا سیوتی تنظیم بلوچ لبریشن آرمی نا سنگت شہید غلام رسول عرف منشی عیدو ولد فیض محمد مری نا بنیاتی تعلقداری چمالنگ آن اسک۔ شہید سنگت بی ایل اے نا اولیکو فدائی شہید باز خاں مری عرف درویش بلوچ نا ایلم اسک۔ شہید غلام رسول مری ہنوکا پانزدہ سال آن بلوچ راجی آجوئی نا جہد تون اوار اسک۔ سنگت بولان، کوہلو، کاہان و ایلو محاذ آتیا تینا فرض ئے سر تس۔
شہید سنگت غلام رسول مری عرف منشی عیدو تینا جنگی لائخی تا سوب آن بلوچ لبریشن آرمی نا خاص دستہ اسپیشل ٹیکٹیکل آپریشنز اسکواڈ ( ایس ٹی او ایس) نا باسک ئنا وڑ راجی غلامی نا برخلاف جہد کننگ اس۔ او کیہی اہم آپریشن آ تیٹ دژمن ئے بےسوب کرے۔
بلوچ راجی آجوئی سنگر، شہید غلام رسول بلوچ ئے اونا عظیم شہادت آ دروت ندر کرسہ دا مصمم عزم نا اعادہ کیک کہ شہید سنگت آتا مشن ہر حال ئٹ پورو مرو و اوفتا آزاد بلوچستان نا تغ پورو مرو۔
ترجمان پارے کہ براس نا سرمچارک بارکھان ئٹ ہی اسہ پین کاروائی ئسیٹ کوزہ گیر پاکستانی لشکر کن رسد ہتروکا اسہ گاڑی سے ہلکر، اسہ ٹرک و چھار موٹر سائیکل تہ ہم ہشار۔
جارکش ودیک پارے کہ بلوچ راجی آجوئی سنگر (بارکھان) و اڑان خڑک جہہ تیٹ متحرک لیویز فورس نا کارندہ تیا واضح کیک کہ او کوزہ گیر پاکستانی لشکر و ڈھکوک ادارہ تا پد آ بلوچ راجی آزاتی نا تحریک نا مون آ ہڑاند جوڑ مفس۔ جہی بندغ مننگ نا سوب آن فورسز ئے بلوچ سرمچار تا کنڈآن رعایت تننگانے، واہم اگہ و تینا بلوچ کش عمل تے الیتوس گڑا اوفتہ ہم کوزہ گیر لشکر نا وڑ ٹک کننگو۔ و اوفک تینا جانی و مالی نسخان نا زمہ وار تینٹ مرور، جہی معتبر و سفید پوش قبیلہ غاک تینا بندغ آتہ دہنا عمل تیٹ اوار مننگ کن الیپس۔
جارکش ایسر ئٹ پارے کہ بلوچ راجی آجوئی سنگر (براس) دا عزم ئے بھیرو کیک کہ بلوچ وطن آن دژمن لشکر نا تیبہ پیشتمنگ اسکان ننا کاروائیک برجاء مرور۔
