بلوچستان لبریشن فرنٹ نا ترجمان میجر گہرام بلوچ تنظیم نا جلہو تا ذمہ واری ئے ہرفسہ پارینے کہ مارچ ئنا سئے و چھار تاریخ ئنا نیامیکو نن سرمچارک پسنی و اورماڑہ نا یام ئٹ بُزی نا ہند آ مسہ گھنٹہ اسکان کوسٹل ہائی وے آ کسر ئے بند کرسہ کیہی گاڈی تہ پٹّار، ہندن ہائی وے آ پولیس چوکی ئے کوزہ کرسہ ہشار۔
او پارے کہ پٹ ئہ پول ئٹی پنجاپ، سندھ و خیبر پختونخواہ آن تعلقداری تخوک کیہی مسافر تا کارڈ آتہ ہُننگ مس ولے فوج و ایجنسی تون بےڈستی نا سوب سرمچارک اوفتہ سلامت الّار۔
گہرام بلوچ نا پاننگ اس کہ کسر تہ تفنگ نا وختا پنجاپ و ایلو علاقہ غا تیک ایل پی جی (گیس) دروکو گڑاس گاڈی خاخر تننگا ہندن کوسٹل ہائی وے پولیس نا اسہ گاڈی ئس تورسہ سرمچارک پولیس کارندہ آتا سِلاہ تہ ہلکر و گاڈی ئے تا ہُشار۔ پولیس نا کارندہ آتہ بندغی و بلوچیت نا بنیاد آ یلہ کننگا۔
او ایسر ئٹ پارے کہ بی ایل ایف دا جلہو تا زمہ واری ئے ہرفک و بلوچستان نا آجوئی اسکان کوزہ گیر دشمن نا برخلاف تینا جہد ئے برجاء تخنگ نا قول کیک۔
