بلوچ یکجہتی کمیٹی نا راہشون ڈاکٹر ماہرنگ بلوچ نوبل داد ئکن پن کننگانے ہراڑا او چاگڑدی حوالکاری میڈیا غا پوسٹ ئس کرسا پارینے کہ نوبل امن داد کن کنے پن کنن شرف ئنا ہیت ئس ءِ ولے دا شرف زوراکی ئٹ بیگواہ کننگوک بندغ تا ءِ۔
اونا پاننگ اسک کہ میڈیا نا کارندہ غاک دا خبر نا بابت ئٹ کنتون حوال کننگ ءُ۔ و ای پک کیوہ کہ دا راست ئس ءِ۔
او پارے کہ ای دا پن کننگ آ بھاز شرفمند اٹ، ولے دا کنا بارہ ئٹ اف دا ہزار آ بلوچ آتا بارو ئٹ ءِ ہرافک زوراکی ئٹ بیگواہ کننگانو و اوفتا خاہوت آک انصاف نا خواست کننگ ءُ۔
