بلوچستان نا ضلع کیچ ئنا علاقہ تمپ ئنا جتا جہہ تیٹ زوراک آ پاکستانی لشکر نا لشکرکشی برجاء ءِ۔
جہی حوال تا رد ئٹ ائنو سہب ئنا پاکستانی لشکر نا کارندہ غاک بھلو کچ ئسیٹی گومازی، کنردان، دیزیگ و ڈلیکش ئٹ مَش تیٹ پیہانو۔
داکان بیدس پاکستانی لشکری نا کارندہ غاک جھل و جھر آتا باء تیٹ سنگر ہلکنو توسنو۔
لشکر کشی ٹی دائسکان پین دزگیری و جانی نسخان تا حوال رسینگتنے۔
ایلو کنڈ آن ڈیره مراد جمالی ٹی پولیس تھانہ نا زیہا چغلی بمب جلہو ئس مسنے۔
حوال تا رد ئٹ نادرست آ سلاہ بند بندغ آک ڈیره مرادجمالی نا شار ئنا پولیس تھانه غا چغلی بمب جلہو ئس کرینو۔
حوال تروکا تا رد ئٹ چغلی بمب تھانه نا دروازہ نا مونا تمِسہ ترخانے۔
جلہو ئٹ دائسکان جانی نسخان تا حوال رسینگتنے نئے کہ کس دا نا ذمہ واری ئے ہرفینے۔
