خضدار نا ہند نال ئٹی حکومت نا مُختف سلاہ بند ٹولی ڈیتھ اسکواڈ نا کارندہ غا تراک، ارا کارندہ مرگ ئنا گواچی و ہفت ٹپی مسنو۔
شابیتی حوال تا رد ئٹ ضلع خضدار نا تحصیل نال ئٹی ناُدرست آ سلاہ بند بندغ آک ڈیتھ اسکواڈ نا اہم باسک، صمد سمالانی نا گاڑی آ جلہو کریر ہرانا سوب آن اِرا کارندہ مرگ ئنا گواچی و پنچ ٹپی مسُنو۔
جلہو ئٹی صمد سمالانی نا جند بچانے۔
کھئوکا تیٹی عبیداللہ لعل بخش و منیر احمد ولد عبدالغنی اوار ءُ۔
خضدار نا انتظامیہ نا اسہ کارندہ ئس تدینی ئے پک کرسا پارے کہ صمد سمالانی تینا گاڑی ئے ویلڈنگ نا دکان آ جوڑفنگ کن دریسس اندا وخت گاڑی ٹی تخوک مواد آک ترخار ہرانا سوب آن اِرا کارندہ مرگ ئنا گواچی و پنچ ٹپی مسُر۔
ڈپٹی کمشنر خضدار یاسر اقبال دشتی پارے کہ تدینی آن پد لیویز جلہو جاگہ غا سر مس و خاخر کھسفوکا ٹولی زوت خاخر ئے کھسفے۔
ڈپٹی کمشنر نا رد ئٹ ٹپی مروکا تیان اسٹ ئے ٹراما سینٹر آ درینو و ایلوفتہ جہی اسپتال آ دننگانے ہرافتہ خضدار آ ہتنگ نا انتظام مننگ ءِ۔
