بلوچستان نا ضلع آواران نا تحصیل مشکے آن بیگواہ اِرا بندغ آجو مسنو۔
آجو مروک بندغ آک اختر محمد و حاصل نا پن تیٹ درست مسنو۔
حوال تروکا تا رد ئٹ آجو مروک ہڑتما بندغ آک مشکے نا علاقہ تنک ئنا جہی ءُ ہرافتان اختر محمد ئے 23 جنوری 2025 آ پاکستانی لشکر بیگواہ کریسس و محمد حسین نا مار حاصل ئے 26 اپریل 2024 آ بنڈکی نا چوکی آ خواہفِسہ بیگواہ کننگاسس۔
آجو مروک حاصل نا بارو ئٹ پاننگک کہ او داکان مست ہم پاکستانی لشکر نا دو آن بیگواہ کننگانے و بیدادی آن گڈ یلہ کننگانے۔
خیال ئٹ مرے حاصل نا خاہوت اونا آجوئی کن برانز ہم کریسس۔
زوراک آ پاکستانی لشکر بی ایل ایف نا برخلاف بیگواہ حاصل آن دزگیری ٹی زور ئٹ وڈیو بیان ئس ہم ہلکسس ہرا چاگڑدی حوالکاری میڈیا غا شنگ کننگاسس۔
