کوئٹہ، نوشکی، مشکے، وندر: پین 12 بندغ پاکستانی لشکر نا دو آن زوراکی ئٹ بیگواہ

بلوچستان ئٹ زوراکی نا بیگواہی تا لڑ برجاء، پین دوانزدہ بندغ زوراکی ئٹ بیگواہ کننگار۔

شابیتی حوال تا رد ئٹ 28 فروری نا نن پاکستانی لشکر نوشکی نا علاقہ کلی جمالدینی آن اکبر جمالدینی نا عدنان و ابرار پنیئو اِرا مار دزگير کننگ آن گڈ بیگواہ کرینے۔

اندن بلوچستان نا بنجائی شار شال آن اسہ خوانندہ ئس و آواران نا تحصیل مشکے نا جتا علاقہ آتیان پاکستانی لشکر 9 بندغ زوراکی ئٹ بیگواہ کرینے۔

بیگواہ کننگوک بندغ آک مومن ولد اسلم، کامران ولد محمد عالم، معراج ولد نیاز محمد، زھیر ولد نیاز محمد شریکی مشکے نا جہی، سیف ولد کامریڈ لطیف میوار نا جہی، صفدر ولد عنایت نوکجو مَشکے نا جہی، قمرالدین ولد دوستین، وشدل ولد قادر داد، دوستین ولد قادر داد تراتدان مشکے نا جہی نا پن تیٹ درست مسنے۔

پاننگک کہ پن کروک 9 بندغ ئے پاکستانی لشکر تدوکا تو 28 فروری و یک مارچ آ جتا علاقہ تیا چھاپہ نا وختا دزگیر کرسا بیگواہ کننگانے۔

اندن ضلع لسبیلہ نا علاقہ وندر آن پاکستانی لشکر جھاو کورک چر چری نا جہی جمعہ خان نا مار الہی بخش ئے بیگواہ کرینے۔

جہی حوال تروکا تا پاننگ ءِ کہ پن کروک بندغ بھاز وخت آن جھاؤ آن داڑے بسنے و ہر بروکا دے پاکستانی لشکر نا لشکر کشی آن تنگ مرسا وندر آ بسس۔

یات مرے کہ برجاء سال ئنا جنوری آن ہلیس دائسکان دو سد نا کچ بندغ زوراکی ئٹ بیگواہ کننگانو۔

اندن تیبہ بلوچستان ئٹ دا وختا خاہوت آک تینا بندغ آتا آجوئی کن کسر تہ بند کرسا تولوک برانز کننگ ءُ۔

شونکار

شونکار|زْرمبش براہوئی

شونکار

شونکار|زْرمبش براہوئی

Next Post

بارکھان: پاکستانی لشکر کن راشن دروکا ٹرک ئے بن تننگا

پیر مارچ 3 , 2025
سلاہ بند بندغ آک فائرنگ آن گڈ پاکستانی لشکر کن راشن دروکا ٹرک ئے خاخر تسر، راشن ہشنگسہ ہِس مس۔ بارکھان آن حوال رسینگانے کہ سلاہ بند بندغ آک پاکستانی لشکر کن راشن دروکا ٹرک ئے سمکاری کرسا توریر و پدان ٹرک ئے راشن تون اوار بُن تسر و ڈرائیور […]

دلگوش کرز

زرمبش براہوئی

زْرمبش راھے پہ آجوئی

زْرمبش بلوچی ، چہ زْرمبش شکسار ءِ نیمگ ءَ بلوچی زبان ءَ گزارش ءُ ھال شنگ کنت۔ اے ھال ، نبشتانک توار بند ءُ تامرانی دْروشم ءَ شنگ کنگ بہ اَنت۔

آسان دزرس