بلوچستان نا علاقہ بولان و مستونگ ئٹی پاکستانی لشکر نا ڈیتھ اسکواڈ تون اوار لشکر کشی برجاء ءِ، لشکر کشی ٹی ڈرون طیارہ و ہیلی کاپٹرک ہم بشخ ہلنگ ءُ۔
پاکستانی لشکر اینو سہب آن بولان و مستونگ نا جتا علاقہ مچھ، پیر غائب، بی بی نانی، ناگاہو، کابوئی، دلبند، مرو، اسپلنجی و ہیب ئہ کھیب ئٹ بھلو کچ ئسیٹی زمینی و فضائی لشکر کشی بناء کرینے۔
حوال تروکا تا رد ئٹ پاکستانی لشکر تون اوار اوفتا مخ تف سلاہ بند ٹولی ڈیتھ اسکواڈ نا باسک آک ہم لشکر کشی ٹی تد ءُ و علاقہ ٹی ڈرون طیارہ و گن شپ ہیلی کاپٹر تا بال برجاء ءِ۔
جہی حوال تروکا تا پاننگ ءِ کہ پاکستانی لشكر بھلو کچ ئسیٹی علاقہ ٹی پیہانے واہم دائسکان ہچو دزگیری ذرائع کے مطابق یا جانی نسخان نا حوال اف۔
کوالخواہ تا پارہ غان دا رد دائسکان ہچو ہیت مونا بتنے۔
