بیگواہ سلمان بلوچ نا ایڑ سعدیہ بلوچ چاگڑدی حوالکاری میڈیا ایکس آ پوسٹ ئس کرسا پارینے کہ زوراکی ئٹ بیگواہ کننگوک بندغ آتا کمیشن نہ قانودی کارروائی کننگ ءِ و نئے سلمان بلوچ نا بارو ئٹ ننے معلومداری تننگ ءِ بلکہ بیدس ہچو گھامگیج آن سلمان نا کیس ئے بند کننگ ءِ ہرا ننتو پھاش بے انصافی ئس ءِ۔
او پارے کہ اگہ عدالت، کمیشن و قانود ننے انصاف تننگ کتو و کنا ایلم نا کیس ئے اونا آجوئی آن مست بند کننگا گڑا نن ارانگ کان و دیر آن انصاف نا خواست کین؟
سعدیہ بلوچ پارے کہ اگہ کنا ایلم ئے نسخان ئس مس تو دا نا زمہ وار اندا بندغ آک مرور ہرا اینو کمیشن ئٹ کنے پھاش چیلنج کریر کہ نا ایلم ننتون ءِ ولے نن اودے آجو کروفن و دا کیس ئے بند کنگ ان انتئے کہ سلمان نا کیس چنک ءِ و سلمان بیگواہ اف۔
