کراچی ملیر نا جہی خوانندہ یاسر بلوچ زوراکی ئٹ بیگواہ کننگانے، خاہوت اونا زوت آجوئی نا خواست کرینے۔
حوال تا رد ئٹ پن کروک ورنا 24 و 25 فروری 2025 نا نن گلشن اقبال آ تینا سنگت آتیا ہناسس و واپس اراغا بننگ آ، دہ نیم نا وختا کسر آن بیگواہ ء۔
شابیتی حوال تا رد ئٹ جمعہ ملیر گوٹھ کراچی نا جہی ورنا یاسر علی ولد سبزل علی، شہید بینظیر بھٹو یونیورسٹی ٹی میڈیا سائنس نا خوانندہ ئس ء۔
اونا خاہوت و سنگت آتون اونا حال حوال اف و خاہوت خلیس نا درشانی کرینے کہ اودے ایلو بلوچ خوانندہ آتا وڑ زوراکی ئٹ بیگواہ کننگانے۔
خاہوت اونا زوت آجوئی نا خواست کرینے۔
