بلوچستان نا علاقہ خاران آن حوال رسینگانے کہ نادرست آ سلاہ بند بندغ آک شار ئٹ ساڑی آئی ائس آئی نا دفتر آ پد مان پد مسہ بمب جلہو کرینو۔
جہی حوال تا رد ئٹ اینو 22 فروری، ہفتہ دے خاران شار ئٹ 3 تراک نا توار بننگ مسنے۔
حوال تروکا تا رد ئٹ شار ئنا تہٹی ساڑی سیکریٹریٹ روڈ (ریڈ زون) آ پاکستانی لشکر نا ڈھکوک ادارہ آئی ایس آئی نا دفتر آ جلہو مسنے۔
آئی ایس آئی نا دفتر آ دا جلہو اندنو وخت ئسے آ مسنے وختس کہ آئی جی ایف سی خاران آ بننگ اس۔
جہی بندغ آتا رد ئٹ تراک آتیان گڈ پاکستانی لشکر تینا مون سمکاری کرینے۔
سرکاری تیبر آ دائسکان تدینی پک متنے نئے کہ کس دا جلہو تا ذمہ واری ئے ہرفینے۔
