بلوچ لبریشن آرمی نا ترجمان آزاد بلوچ تینا شنگ کروک بیان ئٹی پارینے کہ 20 و 21 فروری نا نیامیکو نن سرمچارک شعبان شال ئٹی کسر تہ تفسہ کیہی جہہ تیا پاکستانی لشکر آ جلہو کریر۔ جھڑپ آتیٹ کوزہ گیر لشکر نا پنچ کارندہ کھسکر ہندن دہ کارندہ ٹھپی مسر، تنظیم کھئوکا کارندہ غاتا سِلاہ تہ دوئی مس۔
آزاد بلوچ نا پاننگ اس کہ سرمچارک شعبان ئٹی اسہ وخت آ دشمن لشکر نا اِرا چوکی آ جُلہو کریر، ہراڑے لیویز نا پِن آ ایف سی نا کارندہ غاک ساڑی اسر۔ ہندا وخت آ دشمن نا کمک کن شال آن بروکا ایف سی و پولیس نا کاروان ئے اسہ پین جاگہ ئسے آ سرمچارک ٹِک کریر۔ کوزہ گیر لشکر تون بھاز آ جہہ تیا اِرا ساہت آن زیات وخت اسکان جنگ تننگا، ہراڑے تیبہ وڑئٹ پنچ کارندہ خلّنگار و دہ ٹھپی مسر۔
آزاد بلوچ پارے کہ دا جُلو تا زمہ واری ئے بلوچ لبریشن آرمی ہرفک۔
