بلوچستان لبریشن فرنٹ نا ترجمان میجر گہرام بلوچ تینا شنگ کروک بیان ئٹ پارے کہ سرمچارک 19 فروری نا نن، ہفت بجہ غا گوادر ئٹی مونڈی نا جہہ آ کوزہ گیر لشکر نا چیک پوسٹ ئنا کارندہ غا تیا ہموتم خودکار و بھلا سلاہ تیٹ جلہو کریر ہراتم او چیک پوسٹ نا مونا پٹ ئہ پول کن سلوک اسُر، ہرانا سوب آن دشمن لشکر نا اِرا کارندہ ٹپی مسر۔
او پارے کہ اسہ پین جلہو ئسیٹی سرمچارک 19 فروری نا نن، ہفت بجہ غا تربت نا ہند آبسر ئٹی مولد ریک ئنا جہہ آ ساڑی کوزہ گیر پاکستانی لشکر نا چوکی تہ کیہی گرنیڈ لانچر نا گولہ خلکُر ہرا ٹک ہمو جہہ آ تمار و کوزہ گیر لشکر نا اِرا کارندہ ٹپی مسر۔
ترجمان پارے کہ بی ایل ایف دا جلہو تا زمہ واری ئے ہرفک و دا قول ئے کیک کہ آزاد بلوچستان اسکان کوزہ گیر لشکر و اونا ماڑی تہ ٹک کرسا کرون۔
